mai umr ke rastay mein chup chaap bikhar jata
ek din bhi agar apni tanhai se darr jata
kall saamne manzil thi peeche meri aawazien
chalta tou bichar jata rukta tou safar jata
mai shehr ki vehshat mein gum ho ke bohot khush tha
ek shaam bacha leta ek roz tou ghar jata
mai tarq e tauluq pe zinda hon so mujrim hon
kash usske liye jeeta apne liye marr jata
uss jaan e takkallum ko tum mujhse tou milwatay
taskheer na kar pata hairaan tou kar jata
No comments:
Post a Comment